शेतकऱ्यांच्या हितासाठी केंद्र सरकार लवकरच एक नवीन चांगली बातमी देणार आहे. आता प्रधानमंत्री किसान सन्मान निधी योजनेअंतर्गत शेतकऱ्यांना आणखी पाच हजार रुपये देण्याची तयारी सुरू आहे. म्हणजेच, आता शेतकऱ्यांना दरवर्षी 6000 रुपयांऐवजी 11,000 रुपये मिळतील.
पंतप्रधान किसान सन्मान निधी योजनेअंतर्गत 6000 रूपयांव्यतिरिक्त ज्या 5000 रुपयांची चर्चा केली जात आहे, ते शेतकऱ्यांना खतासाठी देण्यात येणार आहे. या योजनेमुळे सरकार मोठ्या खत कंपन्यांना सबसिडी देण्याऐवजी थेट शेतकऱ्यांच्या खात्यावर पैसे पाठविण्याचा विचार करीत आहे.
हे स्पष्ट आहे की, कृषी खर्च आणि किंमती आयोगाने केंद्र सरकार शेतकऱ्यांना वर्षाकाठी 5000 रुपये खत अनुदानाच्या रूपात थेट रोख रक्कम देण्याचे आवाहन केले आहे. ही संपूर्ण रक्कम शेतकऱ्यांना 2500 रुपयांच्या दोन हप्त्यात द्यावी अशी आयोगाची इच्छा आहे, यातील पहिला हप्ता खरीप हंगामाच्या सुरूवातीला व दुसरा हप्ता रब्बी हंगामाच्या सुरूवातीला द्यावा असे स्पष्ट केले आहे.
स्रोत: कृषी जागरण
Share
