Tip of the day – पृष्ठ 233

Weed control in Carrot

16/10/201712/01/2021

गाजरातील तणाचे नियंत्रण करण्यासाठी 2 ते 3 वेळा निंदणी-खुरपणी करावी. त्याचवेळी छटाई करून रोपांमधील अंतर 4 ते 5 सेंटीमीटर ठेवावे. मुळे वाढू लागल्यावर सर्‍यांवर मातीचा हलका थर द्यावा. तणाचे नियंत्रण करण्यासाठी हेक्टरी 3.5 लीटर पेंडामेथलीन फवारावे. ही फवारणी करताना शेतात दमटपणा असणे आवश्यक आहे.

पोस्टला पसंती दर्शवण्यासाठी खाली दिलेले लाईक बटन दाबा आणि शेअर बटन दाबून इतर शेतकर्‍यांशी माहितीचे आदानप्रदान करा.

Management of Irrigation in Garlic

15/10/201712/01/2021

लसूण पिकासाठी पाणी व्यवस्थापन:-

पेरणीनंतर पहिल्यांदा पाणी द्यावे.

कोंब फुटल्यावर तीन दिवसांनी पुन्हा पाणी द्यावे.

त्यानंतर 10-15 दिवसांतून पाणी द्यावे.

उन्हाळ्यात 5-7 दिवसातून पाणी द्यावे.

गड्डे तयार झाल्यावर पाण्याला ताण द्यावा.

एकूण 15 वेळा पाणी देण्याची आवश्यकता असते.

पीक पक्व होताना जमीनीत दमटपणा कमी असू नये अन्यथा गड्ड्याच्या विकासावर विपरीत परिणाम होतो.

Management of Stem fly in Pea

14/10/2017

खोड माशी या किडीपासुन होणारे नुकसान टाळण्यासाठी ऑक्टोबर महिन्याच्या मध्यापूर्वी पेरणी करणे टाळावे. प्रादुर्भाव सुरू होताच प्रभावित फांद्या तोडून नष्ट कराव्यात. ऑक्टोबर महिन्याच्या दुसर्‍या आठवड्यात पेरणी करणे उत्तम. पेरणी करताना हेक्टरी 7.5 किलोग्राम फोरेट 10 जी किंवा 25 किलो कार्बोफुरन 3 जी द्यावे. पिकावर तीन वेळा ऑक्सीडमेटन मेथाइल 25 ईसी 750 मिलीलीटर पाण्यात प्रति हेक्टर फवारावे. पहिली फवारणी कोंब फुटल्यानंतर आणि इतर दोन दोन आठवड्यांच्या कालावधीने कराव्यात.

What to do for more yield in Gram?

13/10/2017

फुलोरा येण्याच्या वेळी आणि त्यानंतर 10 दिवसांनी पुन्हा 2% यूरिया पानांवर फवारावा. बियाण्याचे प्रिमिंग (4-5 तासांसाठी बियाणे भिजवत ठेवणे) आणि 10 सेमी खोलीवर पेरणी करणे पावसाळी परिस्थितीत उत्पादकता वाढवण्यासाठी उपयुक्त ठरते.

Suitable Climate for Wheat

12/10/2017

गव्हासाठी सुयोग्य वातावरण:-

गहू हे पीक मुख्यता थंड आणि कोरड्या हवेत घेतले जाते. त्यामुळे पेरणीच्या वेळी 20 ते 22 डि. से., वाढीच्या कालावधीत 25 डि. से. आणि पक्वतेच्या वेळी 14 ते 15 डि. से. तापमान सर्वोत्तम असते.

तापमान जास्त असल्यास पीक लवकर पक्व होते आणि उत्पादन घटते. धुक्यामुळे पिकाचे बरेच नुकसान होते. मोड येण्याच्या वेळी धुके पडल्यास बियाणे रुजण्याची शक्ती गमावते आणि त्याचा विकास थांबतो.

दिवस लहान असताना पाने आणि ओंब्यांची वाढ अधिक होते तर दिवस मोठा असताना मोड येण्यास सुरुवात होते. वार्षिक 60-100 से. मी. पर्जन्यमान असलेला भाग गव्हाच्या शेतीसाठी उत्तम असतो.

रोपांच्या वाढीसाठी वातावरणात 50-60 टक्के आर्द्रता असणे उपयुक्त असते. हिवाळ्यातील थंडीचे आणि उन्हाळ्यातील उष्णतेचे दिवस गव्हाच्या पिकासाठी उपयुक्त समजले जातात.

Weed Management of Gram (chickpea)

11/10/201712/01/2021

तणाचा बंदोबस्त हे सर्वात महत्वाचे ठरते. अंकुर फुटण्यापूर्वीच्या तणनाशकांपैकी पेंडामेथलीन हे सर्वात प्रभावी तणनाशक असल्याचे सिद्ध झालेले आहे. अंकुर फुटल्यानंतरच्या काळात क्यूजेलोफ़ोप ईथाइल हे सर्वोत्तम तणनाशक आहे.

Seed treatment of wheat

10/10/201712/01/2021

गव्हाचे बीजसंस्करण:-

मूळ कूज, लांब काणी, गोसावी काणी अशा जिवाणूजन्य रोगांचा प्रतिकार करण्यासाठी पेरणीपुर्वी गव्हाच्या बियाण्याला कार्बोक्सिन 37.5% + थायरम 37.5% किंवा कार्बेन्डाजिम 12% + मेनकोझेब 63% 2.5 ग्रॅम प्रति किलो बियाणे किंवा टेबुकोनाज़ोल DS 1 ग्रॅम प्रति किलो बियाणे वापरुन बीजसंस्करण करावे.

उधईपासून बचाव करण्यासाठी लिए क्लोरोपायरीफास 4 मिली प्रति किलो बियाणे वापरुन बीजसंस्करण करावे.

Symptoms of Deficiency and Dose of Sulphur in Onion

09/10/201712/01/2021

सल्फरच्या अभावामुळे नव्या पानांसह रोपाच्या सर्व पानांवर पानांमध्ये एकसारखा पिवळेपणा आढळून येतो. यासाठी शेत तयार करताना मातीत हेक्टरी 30 किलो सल्फर देण्याची शिफारस केली जाते. सल्फर अनेक रूपात दिले जाते पण सल्फर 80% WDG फवारल्याने जिवाणूनाशक आणि किडनाशक म्हणूनही उपयुक्त ठरते. त्यासाठी सल्फर 80% WDG @ 50 ग्रॅम/15 लीटर पाण्यात फवारावे.

Use of Nitrogen fixing bacteria

08/10/2017

नत्रस्थिरीकारी जीवाणु हे वातावरणातील नायट्रोजनला वंनस्पतींकडून ज्याचा उपयोग केला जातो त्या स्थिर नायट्रोजनमध्ये (अकार्बनिक यौगिक नायट्रोजनमध्ये) परावर्तीत करू शकणारे उपयुक्त जीवाणु असतात. रायझोव्हियम, एझोस्पिरीलियम, एझोटोबॅक्टर इत्यादि नवस्थितिकारी जिवाणूंचा शेतकरी कल्चरच्या स्वरुपात वापर करतात. बीजसंस्करण करताना त्यांचा एक किलो बियाण्यासाठी 5 ग्राम एवढ्या मात्रेत वापर करावा किंवा शेणखतात एकरी 2 किलो एवढ्या मात्रेत मिसळून द्यावे.

Phosphate Solubilizing Bacteria (PSB)

07/10/2017

फॉस्फेटमध्ये विरघळणारे जिवाणू (पीएसबी) हे उपयुक्त जिवाणू आहेत. ते न विरघळणार्‍या द्रव्यांना अकार्बनिक फॉस्फरसमध्ये विरघळणारी बनवण्यास सक्षम असतात. पीएसबी 5 ग्रॅम प्रति किलो वापरुन बीजसंस्करण करावे किंवा 5 किलो प्रति एकर या प्रमाणात शेणखतात मिसळून द्यावे.