फूलकोबीवरील डायमंड बॅक किडीच्या अळीचे नियंत्रण
ओळखण्याची लक्षणे
- या किडीची अंडी पिवळसर पांढर्‍या आणि फिकट हिरव्या रंगाची असतात.
- अळ्या 7-12 मिमी. लांब, फिकट पिवळसर हिरव्या रंगाच्या असतात आणि त्यांच्या संपूर्ण शरीरावर लहान रोम असतात.
- वाढ झालेले किडे 8-10 मिमी. लांब, मातकट करड्या आणि गव्हाळ रंगाचे असतात. त्यांना पातळ पंख असून त्यांच्या आतील कडा पिवळ्या रंगाच्या असतात.
- वाढ झालेल्या माद्या पानांवर एकएकटी किंवा समूहाने अंडी घालतात.
- त्यांच्या पंखांवर पांढर्‍या रेषा असतात. ते दुमडल्यावर हिर्‍यासारखा आकार दिसतो.
हानी
- लहान, सडपातळ हिरव्या अळ्या अंड्यातून निघाल्यावर पानांच्या वाहेरील बाजूचा पृष्ठभाग खाऊन त्यात भोके पाडतात.
- हल्ला तीव्र असल्यास पानांचे फक्त सापळे राहतात.
नियंत्रण:-
- डायमंड बॅक किडीची वाढ रोखण्यासाठी फुलकोबीच्या प्रत्येक 25 ओळींनंतर बोल्ड मोहरीच्या दोन ओळी पेराव्यात.
- प्रोफेनोफॉस (50 ई.सी.) 500 मिली/ एकर किंवा सायपरमेथ्रिन 4% ईसी + प्रोफेनोफॉस 40% ईसी @ 400 मिली/ एकर या प्रमाणात मिश्रण बनवून फवारावे.
- स्पायनोसेड (25 एस.सी.) 100 मिली/ एकर किंवा इंडोक्साकार्ब 300 मिली/ एकर किंवा इमामेक्टिन बेंझोएट @ 100 ग्रॅम/ एकर पाण्यात या प्रमाणात मिश्रण बनवून रोपणानंतर 25 व्या दिवशी आणि त्यानंतर 15 दिवसांनी पुन्हा फवारावे.
- जैविक नियंत्रण करण्यासाठी बेवेरिया बॅसियाना @ 1 किलो/ एकर वापरावे.
टीप:- प्रत्येक फवारणीबरोबर न चुकता स्टीकर मिसळावे.
खाली दिलेले बटन दाबून या माहितीला आपली पसंती द्या आणि अन्य शेतकर्‍यांपर्यंत पोहोचवण्यासाठी ती शेअर करा.
Share
