1 डिसेंबरपासून पंतप्रधान किसान सन्मान निधी योजनेअंतर्गत सातव्या हप्त्याचे 2000 रुपये शेतकऱ्यांच्या बँक खात्यात येऊ लागले आहेत. हे लक्षात घेण्यासारखे आहे की, पंतप्रधान किसान योजनेअंतर्गत केंद्र सरकार देशातील शेतकऱ्यांना आर्थिक मदतीसाठी दरवर्षी सहा हजार रुपये देते, ही रक्कम तीन हप्त्यांमध्ये शेतकऱ्यांच्या खात्यावर पाठविली जाते. सरकारने आतापर्यंत सहा हप्ते शेतकऱ्यांच्या खात्यावर पाठविले आहेत आणि त्याचा सातवा हप्ता आता शेतकऱ्यांच्या खात्यात जमा हाेत आहे.

जर एखाद्या शेतकऱ्याने या योजनेत नोंदणी केली असेल, परंतु ती रक्कम त्याच्या खात्यावर जमा झालेली नसेल, तर ते ऑनलाईनद्वारे त्यांची स्थिती तपासू शकतात. आपली स्थिती तपासण्यासाठी, pmkisan.gov.in या योजनेच्या अधिकृत वेबसाइटला भेट द्या आणि शेतकरी कॉर्नर वर क्लिक करा. यानंतर आपल्याला आपली लाभार्थी स्थिती दिसून येईल त्यानंतर त्या पर्यायावरती क्लिक करा.

लाभार्थीच्या स्थितीवर क्लिक केल्यानंतर आपल्याला आपला आधारकार्ड नंबर, खाते क्रमांक आणि मोबाईल नंबर ॲड करावा लागेल. असे केल्यावर आपल्याला आपले नाव पंतप्रधान किसान सन्मान निधी योजनेच्या लाभार्थ्यांच्या यादीत आहे की नाही याची माहिती मिळेल. जर आपले नाव या यादीमध्ये असेल आणि त्यामध्ये कोणतीही चूक नसेल तर आपल्याला या योजनेचा लाभ नक्कीच मिळेल.